1
فى نفس الديرة المقفولة
بواسطة: عبد الحميد بدوى بتاريخ: الأحد، 1 فبراير 2009 - 20:01
فى نفس الدايرة المقفولة
لا طلعنا من الحضانة
ولا دخلنا سنة اولة
تنتخب ما تنتخبش
تروح متروحش
اوعى تصدق اللى بقولك
بقى لك وجود وبقى لك قيمة
النتيجة معروفة ومحسومة
مكتوب علينا
نعيشوا فى الدايرة المقفولة
ولا عمرنا انطلعوا من الحضانة
ولا عمرنا اندخلوا سنة اولة
اه يا بلد يالى بشوفك فى الضلمة نور
اه يا بلد يالى ملامحك احلى من بدر البدور
اه يا بلد يالى عايزة مليون زى ايمن نور
بيقولوا عليكى فقيرة
وانا شايفك اميرة وست الكون
بحب فيكى اهلك ونا سك
بحب فيكى التمانين مليون
اللى بينتحروا كل ساعة وكل يوم
اللى همهم يسافروا ابنهم
ويجهزوا بنتهم ويعشيوا مسطورين
ورغم الغلب يقولوا يارب اكفينا شر العين
دا احنا غلابة والغلابة هايجيبوا منين
ورا كل باب الف مشكلة والمشكلة
حلها قرشين
وايد الشعب قصيرة وايد الحكومة طويلة
تجيبك لو فين
اوعى تفتح حنكك اوعى تنطق حرفين
لاتتنفى وتبوش وانت نفسك
متعرفش رحت فين
اوعى تعمل مقارنة فى دماغك
بين اللى عايش واللى مش عايش
بين السيد وبين الذليل
بين النبى وبين الشياطين
بين اللى له تاريخ
واللى طول عمره مغروز فى الطين
اوى تسال نفسك البلد بتاعت مين
موضوع: فى نفس الديرة المقفوله